यू.ए.ई.मा अर्को एक जना नेपालीको हृदयघातका कारण मत्यु

श्याम " शंकल्प ",यू.ए.ई.- यतिबेला खाडी मुलुक आएर कामगर्ने प्रवासी नेपालीहरु माझ एउटा अर्को दुखद घटनाले सबैलाई शोकाकुल बनाएको छ | यही मे २८ तारिख २०१२ का दिन कोडागीठी गा.बि.स.-७, सल्यान घर भएका नेत्र लाल बुढाथोकीको हृदयघातका कारण आकस्मिक निधन भएको छ  | उनि अबुधाबी को नजिकै मुसफा भन्ने ठाउमा कम्पनीले दिएको रुममा बस्दै आएका थिए | सदा झै  नियमित काम बाट फर्किएर बेलुकाको खाना साथीहरु संगै खाएर टि.भी. हेरेर साथीहरु भन्दा अल्ली अबेर नर्मल रूपमा राती ११बजे तिर सुतेका थिए | उनि सुतेको लगभग २/३ घण्टा पछि नै एक्कासी छटपटिन थाले | साथीहरुले उठेर वत्ती बालेर हेर्दा मुखबाट हल्का पानी निस्केको जस्तो देखिएपछि सबै जना आतिदै तत्कालै नजिकैको सेक्युरिटीलाई खबर गरेका थिए | तत्पश्चात साथीहरुले बोलाउदा र चलाउदा पनी बोल्न र चल्न छोडेकोले सबैजना स-शंकित भए | सेक्युरिटी सहित सबैजनाले हेर्दा उनको निधन भैसकेको कुरा उनि संगै बस्ने साथीहरुले जानकारी गराएका छन् | यतिबेला उनको लाशलाई प्रहरीले जाचको लागि नियन्त्रणमा राखेको छ | उनि संगै बस्ने साथीहरुलाई समेत बोलाएर घटनाको बारेमा प्रहरीले बिष्तृत जानकारी पनी लिईसकेको छ |