प्रथम हेक्लाङ्ग महोत्सव सम्पन्न ‘प्रशासनबाट बेवास्ता गरियो’–आयोजक
मेलामा राष्ट्रिय ख्यातिप्राप्त हाँस्यकलाकारहरु सुन्तली र धुर्मुसका साथै राष्ट्रिय लोक गायकहरु विमलराज क्षेत्री, शिरिष देवकोटा, कुलेन्द्र वि.क., इन्द्र जि.सी., पुष्कर शर्मा लगायतको सहभागीता रहेको थियो । मेलालाई १३ हजार दर्शकले अवलोकन गरेको मेला मूल समारोह समितिका संयोजक अग्निप्रसादभट्टराईले बताउनुभयो ।
सदमुकाम तानसेनबाट करिब ४० किलोमिटर पूर्वमा रहेको हेक्लाङ्ग गाविसमा आयोजना गरिएको मेलामा राज्यमन्त्रि केन्द्रबाट आएतापनि पाल्पा जिल्लाका प्रमुख जिल्ला अधिकारी, स्थानिय विकास अधिकारी तथा मेलामा सहआयोजकको रुपमा रहेको हेक्लाङ्ग गाविस भने मेलामा उपस्थिती देखिएन । मेलालाई प्रशासनिक क्षेत्रबाट उपेक्षित गराइए पनि मेला भव्य एवं सभ्य रुपमा सम्पन्न भएको आयोजकले बताएकाछन् । मेलामा स्थानिय खानाको प्रदर्शनी गरिनुका साथै बोटे समुदायको माछा मार्ने तरिका, कुमाल समुदायको माटाको भाँडा बनाउने परम्परागत प्रविधि तथा स्थानिय झाँकिको प्रदर्शनी गरिएको थियो ।नेपाल पर्यटन बोर्डको प्रवद्र्धनमा कालिगण्डकी किनारामा सञ्चालन गरिएको मेलामा बीस लाख बराबरकोे कारोबार भएको थियो । मेलालाई स्मार्ट सेल र फ्रेन्डसिप मेनपावरले प्रयोजन गरेको थियो ।
Posted by Journalist Mukti
on 12:38 PM. Filed under
News,
Palpa,
Photo Gallery
.
You can follow any responses to this entry through the RSS 2.0.
Feel free to leave a response
