पाल्पाको दोभानमा बैशाख १८ गते दालचिनी महोत्सव हुने

महोत्सवमा पाल्पामा उत्पादित दालचिनीको पात, बोक्रा र बिरुवा प्रदर्शनीमा राखिने छ । महोत्सवमा दालचिनीको प्लान्टेसन तथा नमुना अवलोकन, स्थानीय उत्पादनको परिचय र प्रयोग, स्थानीय युवाहरूद्वारा पञ्चेबाजा प्रस्तुत गरिने आयोजकले जनाएको छ । स्थानीय बासिन्दाद्वारा तयार पारिएको स्वादिष्ट परिकारको सेवन, सामुदायिक वन उपभोक्ता समूहको वन, वातावरण तथा संरक्षणसम्बन्धी साँस्कृतिक कार्यक्रम, लोकदोहोरी गीतको समेत आयोजना हुने गुरुङले बताउनुभयो ।