माओवादी सभासद्को परीक्षा दिने नक्कली परीक्षार्थी पक्राउ
काठमाडौं, चैत्र १५ - माओवादी सभासद् प्रेमबहादुर पुलामीको एसएलसी परीक्षा दिने नक्कली परीक्षार्थी बुधबार पक्राउ परेका छन् ।
रौटहटको जुडिबेलास्थित जुडिबेला उच्च मावि परीक्षा केन्द्रबाट ऐच्छिक गणित विषयको परीक्षा दिइरहेका साहित्य लामालाई प्रहरीले पक्राउ गरेको हो । पुलामी मकवानपुर क्षेत्र नम्वर २ बाट प्रत्यक्ष निर्वाचित सभासद् हुन् ।
साहित्यसँग आफ्नो र सभासद् पुलामीको प्रवेश पत्र भेटिएको जिल्ला शिक्षा कार्यालय रौटहटका विद्यालय निरीक्षक पशुपति महतोले जानकारी दिए । साहित्यले गत वर्ष नै एसएलसी उत्तीर्ण भएका थिए ।
प्रहरीले शिक्षा नियमावलीअनुसार नक्कली परीक्षार्थीलाई कारबाही गर्ने जनाएको छ ।
पुलामी संविधानसभाको राष्ट्रिय हितको संरक्षण समितिमा छन् भने संसद्मा सार्वजनिक लेखा समितिमा छन् । तत्कालिन अर्थमन्त्री सुरेन्द्र पाण्डेले बजेट पेश गर्न रोस्ट्रममा जाँदा ब्रिफकेस खोस्ने घटनामा उनी पनि संलग्न थिए ।
गत वर्षको एसएलसी परीक्षामा एमाले सभासद् किरणकुमारी यादवले आफ्नो नामबाट छोरीलाई परीक्षा दिन लगाएकी थिइन् ।
स्रोत :कान्तिपुर दैनिक
Posted by Butwalonline
on 5:08 AM. Filed under
