प्रहरी टोली र लुटेरा समूहबीच भएको झडपमा दुईको मृत्यु
महेन्द्रनगर, मंसिर १६- प्रहरी टोली र लुटेरा समूहबीच कञ्चनपुरको दैजी-१ मा भीडन्त हुँदा सिसहनिया दंगा गणका असई भंगी राणाको मृत्यु भएको छ। भीडन्तमा एक लुटेरा समूहको पनि मृत्यु भएको छ। उनको सनाखत हुन नसकेको प्रहरीले जनाएको छ। राणाको नेतृत्वमा गएको गस्ती टोलीमाथि लुटेरा समूहले गोली प्रहार गरेपछि भीडन्त भएको थियो भीडन्तमा परी दुई जना गम्भी घाइते भएका छन्। घाइते हुनेमा प्रहरी हवलदार ३५ वर्षीय प्रेम चन्द र एक सर्वसाधारण श्रीराम डगौल रहेका छन्। चन्दको छातिमा गोली लागेको छ भने डगौललाई दुई गोली लागेको छ। उनीहरुलाई सेती अञ्चल अस्पतालमा उपचार भइरहेको छ। दुवैको अवस्था चिन्ताजनक रहेको प्रहरीले जनाएको छ।
आज बेलुकी ७ बजे कञ्चनपुरको महेन्द्र राजमार्गमा पर्ने क्यासपियन एकेडेमी र देव आशिस फिलिङ सेन्टर अगाडि भीडन्त भएको स्थानीयवासीले बताएका छन्। लुटेराहरुसँग रहेको ३ थान मोटरसाइकल प्रहरीले नियन्त्रणमा लिएको छ। ४ दिनअघि दैजीमा लुटपाट भएको थियो। लुटपाट भएलगत्तै प्रहरीले ब्यापक गस्ती परिचालन गरेको थियो। तिनै लुटेरा समूहसँग भीडन्त भएको हुनसक्ने प्रहरीले अनुमान गरेको छ।
स्रोत : नागरिक न्युज
आज बेलुकी ७ बजे कञ्चनपुरको महेन्द्र राजमार्गमा पर्ने क्यासपियन एकेडेमी र देव आशिस फिलिङ सेन्टर अगाडि भीडन्त भएको स्थानीयवासीले बताएका छन्। लुटेराहरुसँग रहेको ३ थान मोटरसाइकल प्रहरीले नियन्त्रणमा लिएको छ। ४ दिनअघि दैजीमा लुटपाट भएको थियो। लुटपाट भएलगत्तै प्रहरीले ब्यापक गस्ती परिचालन गरेको थियो। तिनै लुटेरा समूहसँग भीडन्त भएको हुनसक्ने प्रहरीले अनुमान गरेको छ।
स्रोत : नागरिक न्युज
Posted by Butwalonline
on 5:58 PM. Filed under
