स्वरोजगारका लागि उद्यमशिलता तालिम

मुक्तिप्रसाद न्यौपाने,पाल्पा, ५ असोज-स्वरोजगारका लागि उद्यमशिलता भन्ने उद्देश्यका साथ पाल्पामा पााच दिने तालिम उद्यमशिलता विकास तालिम शुरु भएको छ ।रोजगारकोष हेल्भेटास नेपाल काठमाण्डौंको सहयोग तथा जयन ट्रेनिङ्ग इन्टिच्यूट बुटवलको आयोजना र जयन ट्रेनिङ्ग पाल्पाको संयोजनमा तालिम शुरु गरिएको छ । पाच दिनसम्म चल्ने तालिममा औद्योगिक विकास प्रतिष्ठान, काठमाण्डौंका लेखनाथ इटानी र सागर पौडेलले प्रशिक्षण प्रदान गर्नेछन् ।

तालीममा भागलिदै सहभागी हरु | तस्बीर: मुक्तिप्रसाद न्यौपाने/ बुटवल  अनलाइन

प्राविधिक तालिम लिएर युवा स्वरोजगार हुने भएकोले तालिमको आयोजना गरिएको जयन ट्रेनिङ्ग इन्टिच्यूट पाल्पाका संयोजक बिष्णु पाण्डेले बताए । अहिलेको युवा वैदिशिक रोजगार तर्फ उन्मूख भइरहेको समयमा यो तालिम व्यवहारिक हुनेछ जसले युवा जमातलाई नेपालकै भूमिमा रहेर श्रम र पसिना बगाउन उत्प्रेरणा प्रदान गर्ने संयोजक पाण्डेले बताए ।

तस्बीर: मुक्तिप्रसाद न्यौपाने/ बुटवल  अनलाइन

बिहिबार भएको तालिम उद्घाटन कार्यक्रममा बोल्दै मुख्य प्रशिक्षक लेखनाथ इटानीले नेपालमै पनि थुप्रै अवसर रहेको र त्यसका लागि प्राविधिक ज्ञान हुनुपर्ने कुरामा जोड दिएका थिए । जयन ट्रेनिङ इन्टिच्यूट पाल्पाका संयोजक बिष्णु पाण्डेको अध्यक्षतामा भएको कार्यक्रमको सञ्चालन दयाराज न्यौपानेले गरेका थिए ।

सम्बन्धित शीर्षकहरु: News, Photo Gallery

Posted by Butwalonline on 3:09 PM. Filed under News, Photo Gallery . You can follow any responses to this entry through the RSS 2.0. Feel free to leave a response