विश्वकप छनोटअर्न्तगत दोस्रो लिग नेपालमै
काठमाडौ, असार ३२ - नेपाली समर्थकहरुको दबाबपछि अखिल नेपाल फुटबल
संघ (एन्फा) ले विश्वकप छनोटअर्न्तगत जोर्डनबिरुद्धको दोस्रो खेल नेपालमै
खेलाउने निर्णय गरेको छ।नेपालले दोस्रो लिगको खेल साउन १२
गते खेल्दैछ। यसअघि लिग फुटबलका कारण समयमा मैदान तयार पार्न नसक्ने भन्दै
एन्फाले दोस्रो लिगको खेल पनि जोर्डनमै खेल्ने तयारी गरेको थियो।
'हामीले
नेपाली समर्थकहरुको फुटबल प्रेमलाई मध्यनजर गर्दै दोस्रो लिगको खेल यही
खेलाउने निर्णय गरेका हौ', एन्फा प्रवक्ता ललितकृष्ण श्रेष्ठले शुक्रवार
भने। एन्फाको यो निर्णयपछि नेपालका लागि बेलायती प्रशिक्षक ग्राह्म
रोबर्ट्स खुसी देखिएका थिए। उनी पहिले देखि नै घरेलु मैदानमा घरेलु
समर्थकका बीच छनोट खेल्नु पर्ने वकालत गर्दै आइरहेका थिए।
Source:nagariknews
Posted by Butwalonline
on 7:39 AM. Filed under
