आज ११ औं मुक्त कमैया दिवस
२ साउन, काठमाडौँ । आज ११ औं मुक्तकमैया दिवस । कमैया मुक्तिका
क्षेत्रमा क्रियाशिल विभिन्न संस्थाहरुले दिवसका अवसरमा विविध कार्यक्रम
गर्दैछ ।
तत्कालिन शेरबहादुर देउवा नेतृत्वको सरकारले २०५७ साउन २ गते वर्षौदेखि
जमिनदारका घरमा काम गर्दै आएका कमैयाहरुलाई मुक्त घोषणा गर्दै ऋणसमेत माफी
दिएको थियो । दिवसका अवसरमा भूमिअधिकार संघर्ष समिति, मुक्तकमैया समाज,
कमैया प्रथा उन्मुलन समाज र मुक्त कमैया महिला जागरण समाजलगायतका
संघसंस्थाले राजधानीमा कमैयाहरुका समस्याका बारेमा छलफल गर्न अपरान्ह एक
अर्न्तक्रिया कार्यक्रमको आयोजना गरेका छन् ।
अध्यक्ष पशुपति चौधरीले कानुनी रुपमा कमैयामुक्तिको घोषणा भएको ११ वर्ष
पुग्दा पनि सरकारले कमैयाहरुको समाजमा उचित पुनःस्थापन नगरेको गुनासो
गर्नुभयो । उहाँले सरकारले कमैयाहरुलाई प्रतिपरिवार दिने भनिएको जग्गा पनि
उपलब्ध नगराएको भन्दै दुःख व्यक्त गर्नुभयो ।
नेपालका पश्चिम नेपालका थारु बाहुल्य दाङ, बाँके, बर्दिया, कैलाली र
कञ्चनपुरमा गरी हालसम्म ३२ हजार ५ सय ९ जनाले मुक्त कमैयाको परिचयपत्र
लिइसकेका छन् । जसमध्ये २ हजार पाँच सय ७० जनाले मात्र पुर्नवासका लागि
जग्गा पाएको समाजका अध्यक्ष चौधरीले जानकारी दिनुभयो । कमैयाबाट मुक्ति
पाएको ११ वर्ष पूरा भए पनि कतियपको अवस्था अझै जस्ताको तस्तै रहेको भन्दै
उहाँले मुक्ति दिवसलाई आन्दोलनै रुपमा मनाउने बताउनुभयो ।
Source:Onlinekhabar
Posted by Butwalonline
on 7:38 AM. Filed under
