रूपन्देही बन्दैछ वित्तीय केन्द्र

बढ्दो रूपमा छ । भृकुटी विकास बैंकले स्थापनाको सात वर्षमा १४ स्थानमा शाखा विस्तार गरेको छ । भृकुटीको कार्य क्षेत्र १० जिल्ला रहेको छ । त्यस्तै १० जिल्लानै कार्य क्षेत्र रहेको पश्चिमाञ्चलले  नेपालगन्ज, पोखरा, तुल्सीपुरसहित १२ स्थानमा शाखा बिस्तार गरेको छ । त्यस्तै सेवाका ८ शाखा सञ्चालनमा छन् र साउनभित्र नवलपरासीको डन्डा र दुम्किबासमा शाखा विस्तार गर्दैछ । उता ५ वर्षअघि सञ्चालनमा आएको तिनाउले शाखा विस्तारमा भन्दा पनि स्तरीय सेवामा ध्यान दिँदै आएको जनाएको छ । तिनाउको हाल चितवनका एक साखा रहेको छ भने छिट्टै बुटवल, भलुही र कोटीहवामा थप शाखा विस्तार गर्दैछ । साइनको पनि रूपन्देही र अर्घाखाँचीमा गरी ५ शाखा छन् । एक वर्षअघि मात्र स्थापना भएको मिसन डेभलपमेन्टले त शाखा विस्तारमा नेपालमै तहल्का पिटेको छ । कारोबार सुरु भएको ६ महिनामै रूपन्देही र नवलपरासीमा ५ शाखा विस्तार गरी स्थापित बैंकका रूपमा अघि बढाएको छ । उता कान्छो विकास बैंकका रूपमा रहेको नेपाल
कम्युनिटी डेभलपमेन्टले पनि पहीलो शाखा फर्साटिकरमा सञ्चालन गर्दैछ । उता भैरहवाको पहिलो विकास बैंक पूर्णिमाका भलवारी, ड्राईभर टोल, बुटवल र परासीमा चार शाखा छन् भने रूपन्देहीका ग्रामीण क्षेत्र धकधई र सूर्यपुरामा एक्सटेन्सन काउन्टर सञ्चालन अर्को महिनाबाट गर्दैछ भने इन्नोभेटिभले पनि पश्चिम अमुवा, बुटवलमा शाखा सञ्चालनमा ल्याएको छ भने नवलपरासीको चोरमारामा आउँदो आइतबार शाखा विस्तार गरी कारोबार सुरु गर्दैछ । यहाँका विकास बैंकलै शाखा बिस्तार गर्नेक्रम बढे पनि रूपन्देहीको ५० भन्दा बढी गाविसमा अझै कुनै पनि बैंक वित्तीय संस्थाहरूको उपस्थिति छैन ।रूपन्देहीमा केन्द्रीय कार्यालय रहेका विकास बैंकहरूले चालू वर्षको जेठ मसान्तसम्म ७ अर्ब ८२ करोड ३२ लाख रुपैयाँ निक्षेप संकलन गरेका छन् । त्यस्तैगरी बैंकहरूले विभिन्न क्षेत्रमा गरी ६ अरब  ३५ करोड २६ लाख ५५ हजार कर्जा लगानी गरेका छन् । उनीहरूले उद्योग व्यवसाय, हायर पर्चेज, वैदेशिक रोजगार, कृषि लगायतका क्षेत्रमा नेपाल राष्ट्र बैंकले तोकेको मापदन्डभित्र रही कर्जा प्रवाह गरेका छन् भने रियल स्टेट कर्जामा अझै ९ देखि १२ प्रतिशत लगानी रहेको छ ।
त्यस्तै खराब कर्जा पनि दुई प्रतिशतभन्दा न्यून छ । नाफाको कुरा गर्दा चालू आर्थिक वर्षको ११ महिनामा १६ करोडको हाराहारीमा मुनाफा गरेका छन् । अघिल्लो वर्ष अग्रस्थानमा रहेको भृकुटी विकास बैंक अहिले पनि
शाखा विस्तार, लगानी निक्षेप र नाफाका आधारमा अग्रस्थानमै देखिएको छ ।भृकुटीको जेठ महिनासम्म निक्षेप १ अरब ८८ करोड, लगानी १ अर्ब  ६० करोड र सञ्चालन मुनाफा ७ करोड रहेको छ । काठमाडौंका विकास बैंक, फाइनान्स कम्पनीहरूमा संस्थागत निक्षेप र बैंकिङ सुशासनका कारणले समस्यामा पर्ने गरेको
तर रूपन्देहीका विकास बैंकहरू आर्थिक रूपमा सबल रहेको दाबी सञ्चालकहरूको छ ।

Source:Onlinekhabar