दुई वर्षपछि १२ मा एसएलसी
काठमाडौं, अषाढ ७ - विद्यालय तहको अन्तिम परीक्षा एसएलसी दुई वर्षपछि १२ कक्षामा लिइने भएको छ ।
अन्तर्राष्ट्रिय मापदण्डअनुसार कक्षा १२ सम्म विद्यालय तह नै हुने भएकाले नेपाल सरकारले यस्तो व्यवस्था लागू गर्न लागेको हो । गत वर्षदेखि कार्यान्वयनमा आएको विद्यालय क्षेत्र सुधार कार्यक्रमले १-१२ कक्षासम्मलाई विद्यालय तह मानेको छ । यसैअनुसार सन् २०१२ बाट कक्षा १२ मा एसएलसी लिन लागिएको हो । त्यसपछि कक्षा १० को परीक्षा क्षेत्रीय तहमा सीमित हुनेछ । १९९० सालमा सुरु भएयता हरेक वर्ष कक्षा १० मा एसएलसी परीक्षा लिइँदै आएको छ ।
अन्तर्राष्ट्रिय शैक्षिक मापदण्डअनुकूल बनाउन कक्षा १२ मा एसएलसी लिन लागिएको जनाउँदै शिक्षाविद् डा. कमलकृष्ण जोशीले अब नयाँ संरचनाअनुसार राष्ट्रिय परीक्षा बोर्ड बन्न जरुरी रहेको बताए । नयाँ संरचनाका निम्ति अहिलेको परीक्षा नियन्त्रण कार्यालय, उच्च माध्यमिक शिक्षा परिषद् र प्राविधिक शिक्षा तथा व्यावसायिक तालिम परिषद्लाई समाहित गरी राष्ट्रिय परीक्षा बोर्ड गठन गर्ने तयारी छ । सन् २०१५ देखि कक्षा १२ मा राष्ट्रिय, १० मा क्षेत्रीय र ८ मा जिल्लास्तरीय परीक्षा हुनेछ ।
नयाँ संरचना नियमनका निम्ति शिक्षा ऐन संशोधन संसद्मा विचाराधीन छ । 'शिक्षा ऐनमा विद्यालय संरचना र राष्ट्रिय परीक्षा बोर्डको प्रस्ताव गरिएको छ,' ऐन संसद्मा रहेको उल्लेख गर्दै शिक्षा मन्त्रालयका सहप्रवक्ता डा. लेखनाथ पौडेलले भने, 'ऐन आएपछि बाटो खुल्नेछ ।'
Source:kantipurNews
अन्तर्राष्ट्रिय मापदण्डअनुसार कक्षा १२ सम्म विद्यालय तह नै हुने भएकाले नेपाल सरकारले यस्तो व्यवस्था लागू गर्न लागेको हो । गत वर्षदेखि कार्यान्वयनमा आएको विद्यालय क्षेत्र सुधार कार्यक्रमले १-१२ कक्षासम्मलाई विद्यालय तह मानेको छ । यसैअनुसार सन् २०१२ बाट कक्षा १२ मा एसएलसी लिन लागिएको हो । त्यसपछि कक्षा १० को परीक्षा क्षेत्रीय तहमा सीमित हुनेछ । १९९० सालमा सुरु भएयता हरेक वर्ष कक्षा १० मा एसएलसी परीक्षा लिइँदै आएको छ ।
अन्तर्राष्ट्रिय शैक्षिक मापदण्डअनुकूल बनाउन कक्षा १२ मा एसएलसी लिन लागिएको जनाउँदै शिक्षाविद् डा. कमलकृष्ण जोशीले अब नयाँ संरचनाअनुसार राष्ट्रिय परीक्षा बोर्ड बन्न जरुरी रहेको बताए । नयाँ संरचनाका निम्ति अहिलेको परीक्षा नियन्त्रण कार्यालय, उच्च माध्यमिक शिक्षा परिषद् र प्राविधिक शिक्षा तथा व्यावसायिक तालिम परिषद्लाई समाहित गरी राष्ट्रिय परीक्षा बोर्ड गठन गर्ने तयारी छ । सन् २०१५ देखि कक्षा १२ मा राष्ट्रिय, १० मा क्षेत्रीय र ८ मा जिल्लास्तरीय परीक्षा हुनेछ ।
नयाँ संरचना नियमनका निम्ति शिक्षा ऐन संशोधन संसद्मा विचाराधीन छ । 'शिक्षा ऐनमा विद्यालय संरचना र राष्ट्रिय परीक्षा बोर्डको प्रस्ताव गरिएको छ,' ऐन संसद्मा रहेको उल्लेख गर्दै शिक्षा मन्त्रालयका सहप्रवक्ता डा. लेखनाथ पौडेलले भने, 'ऐन आएपछि बाटो खुल्नेछ ।'
Source:kantipurNews
Posted by Butwalonline
on 9:55 AM. Filed under
