लाजिम्पाटमा गोली चल्यो
काठमाडौ, अषाढ ६ - लाजिम्पाटस्थित एक म्यानपावरको कार्यालयमा गोली चलेको छ । मोटरसाइकलमा आएका दुई जना युवाले ग्रयाण्ड शिखर म्यान पावरको रिसेप्सनमा पुगेर हवाई फायर गरेका छन् । हवाई फायर गरेपछि उनीहरु भागेका थिए । फायरिङबाट कुनै क्षति भएको छैन । पालेलाई म्यानेजर कता छ सोध्दै रिसेप्सनमा उनीहरु त्यहाँ म्यानेजर नरहेको जानकारी दिएपछि फायरिङ गरेका थिए । प्रहरीले चन्दा माग्न आएका समूहले धम्क्याउनलाई गोली फायर गरेको अनुमान गरेको छ । घटनास्थलबाट एक थान गोलीको खोका भेटिएको छ । अक्षर नखुलेको ५३१५ नम्बरको कालो मोटरसाइकलमा फायरिङ गर्नेहरु भागेका थिए । उक्त म्यानपावर कम्पनीका संचालक फहिम शाह हुन् । उपत्यका अपराध अनुसन्धान कार्यालयका डिएसपी सोमेन्द्रसिंह राठौर नेतृत्वको प्रहरी टोलीले घटनाको अनुसन्धान सुरु गरेको छ ।
Source:KantipurNews
Posted by Butwalonline
on 11:03 AM. Filed under
