हराएका ४ बालबालिका मृत अवस्थामा
उपेन्द्र लामिछाने, वीरगन्ज, जेठ ८- पर्सा जीतपुर-७ नौकाटोलाबाट विहिबारदेखी हराएका ४ बालबालिका आइतबार विहान गाउँ नजिकै मृत अवस्थामा फेला परेका छन्। घरायसी प्रयोजनका लागि बालुवा निकाल्ने गरेको खाल्डोमा ढिस्कोले पुरिएको अवस्थामा उनीहरु शव भेटिएको इलाका प्रहरी कार्यलय सेढवाका सई विष्णु सापकोटाले बताए।
मृत अवस्थामा फेला परेकामा जीतपुर-७ नौकाटोलाका बृजलाल चौधरीका ५ वर्षीय छोरा दिपनारायण चौधरी, ७ बर्षीय छोरी गीतामाला चौधरी रहेका छन्। त्यसैगरी छटु दासकी ७ बर्षिया छोरी अनिषाकुमारी र परमेश्वर दासका ५ बर्षिय छोरा राजकुमार दास मृत अवस्थामा फेला परेको प्रहरीले जनाएको छ।
विहिबार मध्यान्नबाट गाउँका चार बालबालिका एक्कासि हराएपछि अपहरणमा परेको शंका गरिएको थियो। प्रहरी र स्थानीयको व्यापक खोजीका वावजुद पनि उनीहरुको अत्तोपत्तो लागेको थिएन। आइतबार विहान शौच हिँडेका व्यक्तिले खाल्डोबाट गन्ध आएको थाहा पाएपछि खोजी गर्दा उनीहरुको शव फेला परेको हो।
शव कुहिएर क्षत विक्षत अवस्थामा भेटिएको प्रहरीले बतायो। वालुवाको खाल्डोमा खेलीरहको अवस्थामा ढिस्कोले पुरिएर उनीहरुको मृत्यू भएका हुन सक्ने अनुमान प्रहरीको छ।
NagarikNews
Posted by Butwalonline
on 1:42 PM. Filed under
