विश्व हात धुने दिवसका अवसरमा पाल्पामा हात धुने अभ्यास कार्यक्रम सम्पन्न
पाचौं हात धुने दिवसका अवसरमा आयोजित अभ्यास कार्यक्रममा बोल्दै पाल्पाका निमित्त स्थानिय विकास अधिकारी पुष्कर भट्टराईले खाना खाई सकेपछि भन्दा खानु अगाडीनै ६ चरणहरुमा हात धुनु जरुरी रहेको बताउनुभयो । कार्यक्रममा जिल्ला स्वास्थ्य प्रमुख झलक शर्मा पौडेलले चर्पी प्रयोग गरिसकेपछि राम्रोसाग हात धुने गरेमा ६० प्रतिशत सरुवा रोगहरुबाट बच्न सकिने बताउनुभयो ।
कार्यक्रममा बोल्दै पत्रकार महासंघका सभापति भगवान भण्डारी, तानसेन नगरपालीकाका कार्यकारी अधिकृत निरन भट्टराई, सुरज वम, सुनिता शर्मा लगायतले हात धुने कार्य सामान्य मानिएता पनि यसलाई राम्रोसाग बुझ्नकोलागि अनुरोध गर्नुभएको थियो ।
कार्यक्रममा पाल्पा अस्पतालका डा. संज्ञा पौडेलले हात धुने चरणहरुका विषयमा प्रकाश पार्नु भएको थियो । सहभागीहरुले हात धुने चरणहरु प्रयोग गरेर हात धोएका थिए । सोमबार पाल्पाका १५ स्थानहरुमा यसको अभ्यास भएको जिल्ला स्वास्थ्य कार्यालयले जनाएको छ ।
Posted by Butwalonline
on 12:41 PM. Filed under
News,
Photo Gallery
.
You can follow any responses to this entry through the RSS 2.0.
Feel free to leave a response
