पाल्पामा भीषण आगलागी
पाल्पा, चैत्र २४ -
पूर्वी गाउँ सहलकोट २ पुरानथरमा बिहीबार भीषण आगलागी हुँदा २३ घरगोठ जलेका छन् ।
दिउँसो ४ बजे लागेको आगो राति अबेरसम्म नियन्त्रणमा आएको छैन । छिमेकी गाउँका भेषराज पोखरेलका अनुसार २१ घर जलिसकेको छ भने अन्य दुई घरमा आगो सल्किएको छ । घटनास्थल सदरमुकाम तानसेनबाट ८० किलोमिटर पूर्व रहेकाले विस्तृत विवरण आइनसकेको प्रहरीले जनाएको छ ।
बच्चाले आगो खेलाउँदा पुरानथरका टीकाराम लामिछानेका घरबाट लागेको आगोले पूरै बस्ती
सखाप गरेको हो । स्थानीय चन्द्रोदय माविका प्रध्यानाध्यापक टंक पोखरेलका अनुसार
हावाहुरीले गर्दा आगो नियन्त्रणमा लिन समस्या भएको छ ।
गाउँका ४३ मध्ये २३ घर पूरै जलेका छन् । सहलकोट, झिरुवास, दर्छाबाट आगो निभाउन २ सयभन्दा बढी स्थानीय बासिन्दा जम्मा भएका थिए ।
इलाका प्रहरी रामपुरबाट घटनास्थल लागेका सुरक्षाकर्मी साँझ अबेरसम्म पुगेका छैनन् । स्थानीय प्रेम बाकावल मगरले आगोले लत्ताकपडा, धनमाल, गाईवस्तु, खाद्यान्न जलेर नष्ट भएको बताए ।
Source:Kantipur News
Posted by Butwalonline
on 2:48 PM. Filed under
Local News
.
You can follow any responses to this entry through the RSS 2.0.
Feel free to leave a response
