नवलपरासीमा भएको सवारी दुर्घटनामा एकको मृत्यु पाँच घाइते
नवलपरासी फागुन २९-नवलपरासी जिल्लाको गैडाकोट ४ मा आज विहान भएको सडक दुर्घटनामा परी १ जनाको ज्यान गएको छ भने ५ जना घाईते भएका छन् ।
पश्चिमबाट पुर्व तर्फ जादै गरेको वा २ ख १९५९ नं. को ट्रक डिजल पाईप बिग्री रोकिराखेको अवस्थामा सोही दिशाबाट जादै गरेको ना १ ज २२२२ नं. टेक्सी पछाडिबाट ठोकिन गई सो दुर्घटना भएको नवलपरासी प्रहरीले जनाएको छ ।
दुर्घटनामा टेक्सीमा सवार ६ जनामध्ये चितवन जिल्ला भरतपुर नगरपालिका ३ बस्ने वर्ष ३२ का बालकिशुन अधिकारीको उपचारको क्रममा विहान ४.४५ बजे ज्यान गएको छ । अन्य घाईतेको पुरानो मेडिकल कालेज भरतपुरमा उपचार भैरहेको जनाईएको छ ।
टेक्सीमा सवार अन्य घाइृतेमा भरतपुर ४ का ४० वर्षे दिपक पौडेलको टाउकोमा चोट लागेको र अवस्था गम्भिर रहेको, नवलपरासी शिवमन्दिर ८ का कोईलापानीका २१ वर्षे मिलन बस्नेत, चितवन भरतपुर ४ का २० वर्षे प्रविण आले मगर, नवलपरासी शिवमन्दिर ८ का २८ वर्षे सन्तोष भुषाल र शिवमन्दिर ८ का २१ वर्षे कृष्ण भण्डारी रहेका छन् ।टेक्सी र ट्रक गैडाकोट प्रहरीको नियन्त्रणमा रहेको छ । घटना गैंडाकोटबाट ६ किमी पश्चिमतर्फ भएको छ ।
Posted by Butwalonline
on 7:53 AM. Filed under
