अन्तर जिल्ला विकास सभापति यु–१४ कप (बिचमा) रुपन्देही सेमिफाईनलमा प्रवेश

भरत अधिकारी,बुटवल, चैत ४ । रुपन्देही बुटवलमा जारी १४ बर्ष मुनिको अन्तर जिविस कप २०६९ फुटवल प्रतियोगिताको सेमिफाईनलमा प्रवेश गरेको छ ।आईतबार सम्पन्न आफ्नो पहिलो खेलमा रुपन्देहीले सर्लाहीलाई ७–० को फराकिलो गोल अन्तरले हराउदै सेमिफाईनलमा आफ्नो स्थान सुरक्षित गरेको हो ।

बुटवल १३ स्थित फिफा टेक्नीकल सेन्टरमा सम्पन्न क्वाटरफाईनल खेलमा रुपन्देहीका लागि मन्दिप थापाले प्रतियोगिताको दोस्रो ह्याट्रिक समेत गरे । उनले खेलको २८ औं, ३० औं र ४७ औं मिनेटमा गोल गर्दै ह्याट्रिक पुरा गरेका हुन ।त्यस्तै रेजिन सुव्वाले ४४ औं, मनिष थापाले ५० औं, राहुल खड्काले ५४ औं र सौरभ काउचाले अतिरिक्त समयमा गोल गर्दै टिमलाई फराकिलो सहज दिलाए ।

त्यस्तै आईतबारै सम्पन्न अर्को खेलमा झापाले पाल्पालाई ५–० ले हरायो । झापाको जितका लागि प्रशान्त नेपालले २ गोलको योगदान दिए । उनले खेलको ३२ औं र ३५ औ मिनेटमा गोल गरे । खेलको पहिलो मिनेटमै निशान खड्काको गोल बाट अग्रता लिएको झापाका लागि प्रतिक घिसिड्डले २० औं मिनेटमा एक गोल थपेका थिए । पाल्पाका दान बहादुर थापाले खेलको ५२ औं मिनेटमा आत्मधाति गरेपछि झापा ५–० ले विजयी भएको हो । यो जित संगै झापाले मंगलबार हुने सेमिफाईनलमा साविक विजेता रुपन्देहीको सामना गर्नेछ ।प्रतियोगिता अन्तर्गत आजको पहिलो खेल दिनको १:३० बजे नवलपरासी र धादिङ् तथा दोस्रो खेल दिउँसो २:३० बजे कञ्चनपुर र काभ्रे बीच हुने रुपन्देही जिल्ला फुटबल संघका अध्यक्ष हरि श्रेष्ठले जानकारी दिए

Posted by Butwalonline on 10:28 PM. Filed under Local News . You can follow any responses to this entry through the RSS 2.0. Feel free to leave a response