गुल्मीको हस्तिचौरमा बृद्ध दम्पत्तिको अज्ञात समूहद्वारा हत्या
गुल्मी, वैशाख २५ - अज्ञात समूहले आइतबारराति गुल्मीको हस्तिचौरमा बृद्ध दम्पत्तिको हत्या गरेको छ ।प्रहरीका अनुसार हस्तिचौर गाविस-६ राम्चेका ७७ वर्षीय झविलाल वि.क. र उनकी ७४ वर्षीया श्रीमती सेती वि.क.का. हत्या भएको हो । एक विवाहित छोरी मात्र रहेकी बृद्ध दम्पत्ति अत्यन्तै विपन्न परिवारका हुन् ।
घरमा दुई जना मात्र भएको र दैनिक आरनी पेशाबाट ज्यान पाल्दै आएका थिए । घटनास्थल पुगेका प्रहरी नायव उपरीक्षक राजकुमार बैदवारका अनुसार दुवै बृद्धको टाउको र कन्चटमा फलाम कुट्ने हथौडाले हानेर हत्या गरिएको छ ।
हत्या किन र कसले गर्यो भन्ने बारेमा अनुसन्धान भै रहेको बैदवारले जानकारी दिए भएका छन् । हस्तिचौरको एकान्तमा घर भएको र झबिलाले धामीझाँक्रीको पनि काम गर्ने भएकाले आज विहान झारफुकका लागि गएकाहरुले बोलाउँदा भित्र कोही नबोलेपछि खोज्दा हत्या गरेको अवस्थामा फेला पारेको स्थानीय राममल्ल ठकुरीले जानकारी दिए । प्रहरीले घटनास्थल पुगेर थप अनुसन्धान सुरु गरिएको जनाएको छ ।
समाचार कांतिपुर दैनिक बाट
Posted by Butwalonline
on 5:21 PM. Filed under
