बुटवल क्याम्पसमा विभिन्न प्रतियोगिता सम्पन्न

बालकृष्ण पाण्डे ,बुटवल, चैत्र   ८- अनेरास्ववियु क्याम्पस कमिटी बुटवल बहुमुखी क्याम्पसमा क्याम्पस कमिटीद्धारा आयोजित सहीद प्रचण्ड थैव स्मृतिमा आयोजित साप्ताहिक कार्यक्रम अन्तर्गत आज भलिवल प्रतियोगिता अन्तर्गत बोल ए बाट मानबहादुर रानाको समूह र सुरेन्द्र हिताङ्गको समुह सेमिफाइनलमा प्रवेश गरेको छ भने पोल बी बाट सन्दिप श्रेष्ठ र यमन सलामीको समुह सेमिफाइनलमा प्रवेश गरेको छ ।

त्यस्तै अनेरास्ववियुद्धारा आयोजित विभिन्न रचनात्मक कार्यक्रम अन्तर्गत कमिटीका सदस्य रुद्र भट्टराईको संयोजकत्वमा भएको पुरुष लङ्गजम्प प्रतियोगितामा प्रथम रविन्द्र यादव, द्धितिय दिपक थापा, तृतिय अर्जुन खत्री भएका छन भने महिला लङ्गजम्पतर्फ प्रथम बसन्ता गिरी, द्धितिय सिर्जना थापा, तृतिय पुष्पा रिजाल भएका छन् । यस्तै विसन रिजालको संयोजकत्वमा भएको कुर्चिदौड प्रतियोगितामा प्रथम सिर्जना खड्का, द्धितिय कमला रायमाझी र गिता अधिकारी तृतिय भएका छन् ।

साप्ताहिक कार्यक्रममा विभागिय सचिव कमल भण्डारी, जिल्ला सदस्य बिष्णु भण्डारी, क्षेत्रीय अध्यक्ष सुमन जि.सी., क्याम्पस कमिटीका संयोजक बिष्णु भुसाल, सह–संयोजक महेन्द्र घिमिरे लगायतको उपस्थितिमा सम्पन्न भएको थियो । भोली हाजिरीजवाफ प्रतियोगिता र भलिवलको सेमिफाइनल प्रतियोगिता हुने जानकारी कमिटीका सह–संयोजक महेन्द्र घिमिरेले गराएका थिए ।

Posted by Butwalonline on 5:36 PM. Filed under Local News . You can follow any responses to this entry through the RSS 2.0. Feel free to leave a response