आगलागीमा परी गुल्मीको जोहाङ गाविसमा तीन जना घाइते
गुल्मी,फागुन २९ - आगलागीमा परी गुल्मीको जोहाङ गाविसमा तीन जना घाइते भएका छन् ।जोहाङ गाविस वडा नं १ चोरकाटेका तीन घरमा भएको आगलागीमा तीनजना घाइते भएका हुन् । गएराति करिब १२ बजे सबै सुतेको बेला भएको आगलागीमा परी ५५ वर्षीय टेकबहादुर सुवेदी, सोही घरमा भाडामा बस्ने अनिल मियाँ र छिमेकी भानुभक्त भण्डारी घाइते भएको जिल्ला प्रहरी कार्यालय गुल्मीले जनाएको छ ।
घाइते तीनै जनाको अहिले युनाइटेड मिसन अस्पताल पाल्पामा उपचार भइरहेको छ । टेकबहादुर सुवेदीको घरबाट सल्केको आगो छिमेकी चन्द्र भण्डारी, राजकुमार भुसाल र खेमबहादुर भण्डारीको पनि घर तथा गोठमा पनि सल्किँदा २१ लाख रुपैयाँभन्दा बढीको क्षति भएको छ ।
आगलागीले सुवेदीको घर पूर्णरुपमा जलेर नष्ट भएको तथा छिमेकीको घरमा पनि क्षति पुग्दा हुँदा २१ लाख ४५ हजार रुपैयाँ बराबरको क्षति भएको प्रहरीले जनाएको छ ।चुलोमा बालेको आगो निभाउन बिर्सदा आगलागी भएको र आगो गएराति नै स्थानीयवासी र प्रहरीको लामो प्रयासमा नियन्त्रणमा आएको थियो ।स्रोत : ओनलाइन खबर
Posted by Butwalonline
on 8:07 AM. Filed under
