बिद्यार्थीहरुको सक्रियतामा अनाथ आश्रमलाई आर्थिक सहयोग
बुटवल,फागुन १७ - अक्सफोर्ड उमाबि बुटवलमा गठित भूपू बिद्यार्थी समाजले देबदहको मायादेबि अनाथ आश्रमलाई आर्थिक सहयोग प्रदान गरेको छ । बिद्यालयका बिद्यार्थीहरुको सक्रियतामा नगद संकलन गरि ५० हजार नगद प्रदान गरिएको हो । बिद्यालयमा बिहिबार आयोजित अनाथालय सहयोगार्थ बिबिध सांस्कृतिक कार्यक्रममा उक्त रकम प्रदान गरिएको हो । भूपू बिद्यार्थी समाजका अध्यक्ष बसन्त रानाको अध्यक्षतामा भएको कार्यक्रममा उच्च माध्यमिक शिक्षा परिषदका कार्यालय प्रमुख सुवास पन्तले बिद्यार्थीहरुको सामाजिक उत्तरदायित्व र सेवाभाबको कदर गर्नुभयो ।
भूपू बिद्यार्थी समाजका अध्यक्ष बसन्त रानाले बिद्यार्थीहरुका बिचमा सुमधुर सम्बन्ध स्थापित गर्न र समाज सेवा गर्न बिद्यार्थीको एकता जरुरी रहेको बताउनुभयो । सो अबसरमा प्राचार्य दिवाकर रेग्मी,अनिल कुमार रजक लगायतले बोल्नुभएको थियो । कार्यक्रमका अबसरमा अक्सोफोर्डका बिभिन्न कक्षा र संकायमा उत्कृष्ट नतिजा ल्याएका बिद्यार्थीहरुलाई सम्मान गरिएको थियो ।
Posted by Butwalonline
on 5:10 PM. Filed under
