दाङमा दिउासै ६ लाख रुपैया लुटियो
ज्ञानु गौतम,दाङ,माघ ९ - लुटेराको समूहले दाङको तुलसीपुरमा आज दिउँसो एक जनालाई गोली प्रहार गरी करिब साढे ६ लाख रुपैयाँ लुटेर लगेको छ । तुलसीपुर–सल्यान सडकखण्डको साततलेमा दुईजनाको समुहले सल्यान कपुरकोटमा आइएमई सञ्चालन गर्दै आएका काठमाडौ चाबहिल ७ कुमारीगालका ३२ बर्षीय मनोहर सापकोटामाथि गोली प्रहार गरी ६ लाख ४७ हजार रुपैयाँ लुटेर लगेको प्रहरीले जानकारी दिएको छ ।
सापकोटाको दायाँ कोखामा गोली लागेको छ । तुलसीपुरमा रहेको इनभेष्टमेन्ट बैंकबाट ६ लाख ४० हजार रुपैयाँ निकालेर रा १ प ३८०२ नम्बरको मोटरसाईकलमा सल्यान कपुरकोट जाँदै गर्दा सापकोटामाथि साढे १ बजे गोली प्रहार भएको जिल्ला प्रहरी कार्यालय दाङका प्रहरी उपरिक्षक लोकेन्द्र मल्लले जानकारी दिनुभयो । गम्भीर घाइते सापकोटालाई राप्ती अञ्चल अस्पताल तुलसीपुरमा प्रारम्भिक उपचारपछि थप उपचारका लागि नेपालगञ्ज ल्याइएको छ । लुटेराहरुले दुई राउण्ड गोली चलाएकोमा एउटा गोली सापकोटाको कोखामा लागेको छ । लुटेरा समुहको हुलिया प्राप्त भए पनि पहिचान भैनसकेको र उनीहरुको खोजीकार्य भैरहेको प्रहरी उपरिक्षक मल्लले जानकारी दिनुभयो ।
Posted by Butwalonline
on 6:55 PM. Filed under
