मेरो जीवन साथी प्रदर्शनको तयारीमा

बिनोद परियार,रुपन्देही,२६ कार्तिक । यमन म्यूजिकको प्रस्तुतीमा बनेको चलचित्र ‘मेरो जीवन साथी’ आगामि मंसिर १५ देखि बुटवल सहित देशभर प्रर्दशन हुने भएको छ । सुर्य कार्कीको निर्माणमा बनेको चलचित्रका निर्माताले आईतबार बुटवलमा पत्रकार सम्मेलन गरि यस्तो जानकारी गराएको हो ।

पत्रकार सम्मेलनमा बोल्दै चलचित्रका निर्माता सुर्य कार्कीले मेरो जीवन साथी एउटा पारिवारिक चलचित्र भएको बताए ।  नेपाली परिवेश र माटो सहाउने चलचित्र भएको बताउदै पछिल्लो पटक नेपाली चचित्रमा हुने अश्लिल दसश्य यसमा नभएको दावी गरे ।  चलचित्रका नायक सुरेश महरठ्ठले नपाली पन झक्कने एउटा पारिवारिक चलचित्र रहेको बताए । निदेर्शक दिवाकर भट्टराई,संगितकार अर्जुन पोखरेलले परिवारका सबै सदस्य बसेर हेर्न मिल्ने चलचित्र भएको बताए । १५ गते देखि प्दर्शन हुने यो चलचित्र बुटवल चलचित्र हल सहित ६५ वटाबाट एकैसाथ प्रर्दशन हुने छ । चलचित्रमा सुरेश महरठ्ठ,राजेश हमाल,रेखा थापा,सुष्मा,कार्की,रागीनी खड्का लगायतका कलाकारल अभिनय गरेका छन् ।