पिठ्युँमा तेस्रो हात पलायो

चीनको एक अस्पतालमा डाक्टरहरु त्यतिबेला अचम्ममा परे, जब एक ११ वर्षीया स्कुलले बालिकालाई अस्पताल भर्ना गरियो । उनी सामान्य बिरामी थिइनन् । मेडिकल साइन्सको इतिहासमा अनौठो घटना लिएर आएकी थिइन ती बालिका । उनको पिठ्युँमा तेस्रो हात पलाएको थियो । २ बटा मात्र औंला रहेको हातसँगै साथमा अबिकशित छाति जस्तो देखिने अंग पनि थियो ।

उपचारमा संलग्न चिकित्सकहरुका अनुसार आमाको पेटमा हुर्किएका जुम्ल्याहा मध्ये एक अविकसित भ्रुण बिकशित भ्रुणमा टाँसिएको हुनसक्छ । बेइजिङस्थित आम्र्ड पुलिस फोर्सको जनरल अस्पतालका प्रोफेसर बाओगान पेंगले यो अनौठो केशलाई विश्वसामू ल्याएका छन् । यसका लागि उनले एक बेलायती जर्नलको साथ लिए । त्यहाँ उनले यो अनौंठो मेडिकल केसको बारेमा उल्लेख गरेका छन् । उनका अनुसार यस्तो घटना ५० लाख मानिसमा एकमात्र देखिने गरेको छ ।

स्रोत :ऑनलाइन खबर