इलाका प्रहरी कार्यालय बुटवलद्वारा अपराधिक क्रियाकलापमा संलग्न १५ अभियुक्तहरु सार्वजनिक
बुटवल तथा आसपासको विभिन्न स्थानहरुमा चोरी गर्नेहरु बु.न.पा २ का १७ वर्षिय राजन वि.क., पर्रोहा १ का २० वर्षिय अनिल परियार, बुटवल ५ का १७ वर्षिय आशिष शाक्य, बुटवल १३ का १७ वर्षिय समिर लामा, दाङ चलाही ४ का १९ वर्षिय सन्तोष चौधरी, दाङ चलाही ४ का २४ वर्षिय अमिन चौधरी, रुपन्देही बसन्तपुर २ का २५ वर्षिय केशव ठाकुरलाई प्रहरीले पक्राउ गरेको हो । त्यस्तै लागु औषध सेवन तथा ओसार पसारमा संलग्न भएको भन्दै दाङ गढवा ६ का २४ वर्षिय राजकुमार चौधरी, बुटवल ९ का २३ वर्षिय सुमन थापा, बुटवल ११ का ३५ वर्षिय सुनिल गुरुङलाई पनि प्रहरीले पक्राउ गरी सार्वजनिक गरेको छ ।
सवारी चालक तथा सहचालक रहेका बुटवल १५ का ३१ वर्षिय विष्णु बहादुर गुरुङ र नवलपरासी अम्मोड ९ का २८ वर्षिय हिरा प्रसाद खरेलबाट ५ ग्राम चरेस बरामद गरेको छ । बु.न.पा. ५ का २६ वर्षिय सन्तोष वि.क. र भारत नौतुनाका २० वर्षिय राजन परियारले प्यूठान बाङ्गेसाल १ का दुर्गा भण्डारीको साथबाट १० हजार चोरी गरेको र उनीहरुको साथबाट २ हजार बरामद गरिएको इलाका प्रहरी कार्यालय बुटवलका प्रहरी निरीक्षक रामेश्वर कार्कीले बताए ।
Posted by Butwalonline
on 6:32 PM. Filed under
