६ वर्षे अबोध छोरीलाई बनाइन आमाले लागूऔषध कारोबारको माध्यम

सुराकीका आधारमा लागूऔषध कानुन कार्यान्वयन इकाईले पटेललाई पक्राउ गरेपछि यस्तो रहस्य खुल्यो । इकाईका डीआईजी यादव अधिकारीले 'छोरीलाई  लागूऔषध बोकाएर ओसार पसार हुन्छ भन्ने खबर'का आधारमा लामो अनुसन्धानपछि उनलाई पक्रेको बताए । सुरुमा यस्ता सुचना आउँदा प्रहरीले पत्याएको थिएन । 'मान्छे हेर्दा त्यसरी सधैं ओसारपसार गर्ने जस्तो थिएन, फाट्न लागेका कपडा, धेरै दिनदेखि ननुहाएको शरीरलाई देखेर प्रहरीले विश्वास गरेका थिएनन् । तर विशेष सुराकीले दिएको सूचना र प्रहरीले फिँजाएको जालमा ती महिला आफै परेपछि यो रहस्य खुलेको थियो ।

प्रहरीले पटेल जसलाई लागूऔषध दिन अाएकी थिइन्, त्यही व्यक्तिलाई पहिले नै नियन्त्रणमा राखेको थियो । त्यो व्यक्तिलाई सूचना दिएको भनेर प्रहरीले छाडिदियो । लागूऔषधमा सूचना दिने सानोतिनो कारोबारीलाई पक्राउ गरिँदैन । इकाईका अनुसार यिनी ३ वर्षदेखि लागू औषध ओसार- पसारको काममा संलग्न छिन् । भारतको रक्सौलका सञ्जय नामका कारोबारीले ओसारपसारमा लगाएको उनले बताइन् ।

समाचार कांतिपुर बाट