रुपन्देहीका निजि तथा आवासीय विद्यालय जेठ १५ सम्म बन्द
विनोद परियार,बुटवल,१ जेठ । दिनदिनै बन्द हुन थालेपछि निजी तथा आवासीय विद्यालय अर्गनाइजेशन नेपाल (प्याब्सन) रुपन्देहीले आजदेखि जेठ १५ गतेसम्मका लागि प्याब्सन आबद्ध विद्यालयहरु बन्द गरेको छ । मुलुकको वर्तमान असहज परिस्थितीको कारण जनाउदै विद्यालय बन्द गर्ने निर्णय गरिएको प्याप्सनले जनाएको छ । ग्रिष्म / वर्षे विदामा समायोजन गर्ने गरी जेठ १५ गतेसम्मका लागि विद्यालय बन्द गरिएको प्याब्सन रुपन्देहीका अध्यक्ष कृष्णप्रसाद खनालले जानकारी दिनुभयो । उहाले जेठ १४ सम्म विभिन्न समुहरुले दिनदिनै बन्द गरेपछि विद्यालय खोल्नुको अर्थनै नरहेको भन्दै जेठ १५ सम्म विद्यालय बन्द गरिएको बताउनुभयो । प्याब्सनले आफू अन्तर्गतका सदस्य विद्यालयहरुमा १५ गतेसम्मका लागि विदा गर्न आह्वान गरेको हो । कतिपय विद्यालयहरुले भने आफ्नो अनुकुलमा जेठ २१ सम्म पनि विदा गरेका छन् ।
Posted by Butwalonline
on 8:02 AM. Filed under
