बन्दका क्रममा बसमा आगजनी भएपछि नवलपरासीमा गोली चल्यो
काठमाडौ, जेष्ठ ३ - महेन्द्रराजमार्ग अन्तर्गत बुटवल–नारायणगढ खण्डको बासामा आन्दोलनकारीले प्रहरी स्किर्टिङमा रहेको एउटा बस जलाएपछि प्रहरीले गोली चलाएको छ । थारु संघर्ष समितिले विगत तीन दिनदेखि थारुवानको माग गरेर बन्द आयोजना गर्दै आएको छ ।
प्रहरीले बर्दघाटवाट स्कर्टिङ गरेर बुटवलतर्फ लैजाँदै गरेको ना४ख ५१९५ नम्बरको बस जलाएपछि तीन राउण्ड गोली र दर्जनौ अश्रुग्यास प्रहार गरेर भिड तितर बितर पारेको छ ।
गोली टाढैवाट हानेकाले कसैलाई नलागेको प्रहरीको भनाई छ । आन्दोलनकारी भाग्ने र मौका छोप्दै फेरी राजमार्गमा अबरोध पुर्याउन आउन क्रमले गर्दा तनाव जारी छ । आन्दोलनकारीहरुमा थारु समुदायको बाहुल्यता छ ।
थारु संयुक्तसंघर्ष समितिले बिगत ४ दिनदेखि बन्द गरिएका कारण नवलपरासीको जनजिवन अस्तब्यस्त छ । राजमार्गमा एम्बुलेन्स समेत अबरोध पुर्याउदै आएका छन् ।
केही दिन अघि पनि बन्दकै क्रममा नवरपरासीमा प्रहरीले चलाएको गोली लागि पाँच जना थारु युवा घाइते भएका थिए ।
समाचार कांतिपुर बाट
Posted by Butwalonline
on 2:23 PM. Filed under
