बुटवलमा पत्रिकाको गाडी र पत्रकारमाथि आक्रमण
विनोद परियार,बुटवल, बैशाख
२९ -बन्दकर्ताहरुले आज विहान बुटवलमा राजधानी दैनिकको गाडी र पत्रकारमाथि आक्रमण गरेका छन् । बुटवल राजमार्ग चौराहामा बन्दकर्ताले प्रेसको गाडी भन्दा भन्दै पनि एक्कासि आक्रमण गरेका हुन । गाडी चालक ईश्वर गुरुङलाई गाडीबाटै लछारपछार गर्दै कुटपिट गरेको राजधानी दैनिक क्षेत्रिय ब्यूरो कार्यालयका वितरण प्रमुख खेमराज पाठकले जानकारी दिनुभयो । कार्ड देखाउदा देखाउदै पनि एक्कासि गाडी र आफुहरुमाथि आक्रमण भएको पाठकले बताउनुभयो । बन्दकर्ताले पाठकलाई समेत अभद्र ब्यबहार गर्दै आक्रमणको प्रयास गरेका थिए । यसैगरि बन्दकर्ताहरु आक्रमणमा उत्रिएपछि प्रेसको गाडी भन्दै बचाउ गर्न खोज्दा पत्रकार दिनेश पाण्डेलाई पनि कुटपिट गरेका छन् । पत्रकार पाण्डेलाई कन्चटमा हिर्काएका हुन । त्यस्तै गाडी चालक गुरुङले आफुलाई कुटपिट गर्नुका साथै सार्वजनिक रुपमा गाली बेईजती गरेको बताउनुभयो । लु१च२७४५ नम्बरको गाडी भैरहवा हुदै कपिलबस्तुको तौलिहवामा पत्रिका पुर्याएर फर्किएको थियो । यसैविच प्रहरीले आक्रमणकारीहरुलाई पक्राउ गरेको इृलाका प्रहरी कार्यालय बुटवलले जनाएको छ ।
Posted by Butwalonline
on 11:47 AM. Filed under
National News,
News
.
You can follow any responses to this entry through the RSS 2.0.
Feel free to leave a response
