स्वैच्छिक अबकास रोजेका लडाकु गोलीसहित पक्राउ

कञ्चनपुर,वैशाख १० - स्वैच्छिक अवकाशमा रोजेका एकीकृत माओवादीका लडाकु छ राउन्ड गोलीसहित पक्राउ परेका छन् ।  डडेल्धुरा घर भएका २२ वर्षीय विनोद नेपालीलाईे आइतवार विहान कञ्चनपुरको कृष्णपुर बजारवाट छ राउन्ड गोलीसहित प्रहरीले पक्राउ गरेको हो ।

तालबन्दस्थित माओवादी लडाकु शिविरबाट स्वैच्छिक अवकाशमा आएका नेपालीलाई मदिरा पिएर कृष्णपुर बजारमा झै-झगडा गरिरहेको अवस्थामा प्रहरीले नियन्त्रणमा लिएर जाँच गर्दा गोली बरामद भएको इलाका प्रहरी कार्यालय कृष्णपुरका प्रहरी नायब निरीक्षक बोधराज ओझाले बताउनुभयो ।

समाचार :ओनलाइन खबर बाट