हड्तालको विरुद्ध अभिभावकहरु
बनेपा, फागुन २८(शिक्षकहरुले आज आइतबारबाट घोषणा गरेको शैक्षिक हड्तालको विरुद्ध अभिभावकहरु उत्रेका छन्।
काभ्रे जिल्लाको दक्षिण भेगको ढुंर्खक गाविस ८ स्थित पार्वती उच्च माध्यमिक विद्यालयका अभिभावकहरु शैक्षिक हड्तालविरुद्ध उत्रेका हुन्।
कक्षा ८ को जिल्लास्तरीय परीक्षा स्थगित गरी विद्यार्थीहरुको भविष्यमाथि खेलवाड गरेको भन्दै शिक्षकविरुद्ध नारावाजी गरिएको अभिभावक रामप्रसाद तिमल्सिनाले जानकारी दिएका छन्।
परिक्षा दिन आएका विद्यार्थीले विद्यालय नखुलेको पाएपछि अभिभावकहरुसमेत आक्रोशित भएका उनले बताए।
जिल्ला शिक्षा कार्यालय काभ्रे र शिक्षकसँग सम्वन्धित संगठनहरुले शनिबार राति अबेर जिल्लास्तरिय परीक्षा दुई दिन स्थगितको सुचना सार्वजनिक गरेपछि अधिकांश विद्यालयमा परिक्षा दिन आएका विद्यार्थी घर फर्केका छन्।
उता, शिक्षकहरु भने विद्यालय बन्द गरी जिल्ला शिक्षा कार्यालय, धुलिखेलमा धर्ना बसेका छन्।
स्रोतः नागरिक
Posted by Journalist Mukti
on 11:12 AM. Filed under
