यात्रुबाहक बसमा बिस्फोट,एक यात्रु घाइते
दाङ, चैत्र ९ - दाङको तुलसीपुरमा बिहीबार दिउँसो यात्रुबाहक बसमा बिस्फोट भएको छ । बिस्फोटबाट एक यात्रु घाइते भएका छन् । तुलसीपुरबाट सल्यानतर्फ जाँदै गरेको लु १ ख ४६८१ नम्बरको बसभित्र साढे १ बजे तुलसीपुरस्थित बसपार्कमै बिस्फोट भएको हो ।
टाइम बम भएको हुन सक्ने इलाका प्रहरी कार्यालय तुलसीपुरका प्रहरी निरीक्षक मदनकुमार थापाले बताए । घटनाबारे थप अनुसन्धान गर्न प्रहरी अहिले घटनास्थल पुगेको छ । बस सल्यान जाने तयारीमा रहेकै बेला बिस्फोट भएको राप्ती अञ्चल यातायात व्यवसायी समितिका डायल ईञ्चार्ज प्रकाश भट्टले जानकारी दिए । बम कसले किन बिस्फोट गराएको हो भन्नेबारे केही खुल्न सकेको छैन । तुलसीपुरमा यसअघि पनि बिभिन्न भूमिगत समूहका नाममा बम बिस्फोट हुँदै आएको थियो ।
स्रोत :कान्तिपुर
Posted by Butwalonline
on 4:27 PM. Filed under
