ट्याक्टर दुर्घटनामा २ को मृत्यु

दैलेख, आश्विन ६-कर्णाली राजमार्गमा पर्ने दैलेखको लयाटीबिन्द्रासैनी गाविसको सांगेतडामा ट्याक्टर दुर्घटना हुँदा दुई जनाको मृत्यु भएको छ । कालिकोटबाट सुर्खेततर्फ आउँदै गरेका लु १ त ४११९ नम्बरको ट्याक्टर दुर्घटना हुँदा सल्यान घर भएका चालक अर्जुननाथ योगी र सहचालक दलनाथ योगीको घटनास्थलमै मृत्यु भएको हो । बिहीबार राति दुर्घटनाग्रस्त भएको ट्याक्टर सडक भन्दा अन्दाजी ८० मिटर तल कर्णाली नदीमा खसेको थियो ।

दुल्लू इलाका प्रहरी कार्यालयका प्रहरी निरीक्षक गंगबहादुर थापा र पाल्तडास्थित प्रहरी चौकीबाट सईको नेतृत्वमा प्रहरी टोली घटनास्थलतर्फ गईरहेको जिल्ला प्रहरी कार्यालयले जनाएको छ । ट्याक्टर दुर्घटनामा परेको शुक्रबार बिहानमात्रै पत्ता लागेको थियो । घटनामा एक जना गम्भिर घाईते छन् । उनको परिचय खुल्न बाँकी छ । प्रहरीका अनुसार तीव्र गतिका कारण ट्याक्टर दुर्घटना भएको हो ।

स्रोत :कांतिपुर न्यूज

सम्बन्धित शीर्षकहरु: News

Posted by Butwalonline on 11:00 AM. Filed under News . You can follow any responses to this entry through the RSS 2.0. Feel free to leave a response