शक्तिशाली भूकम्पबाट,पाँचको मृत्यु, २७ घाइते
 |
| दूतावासको पर्खला भत्कँदा पुरिएको कार । तस्विर : किरण पाण्डे । |
राजधानीको लैनचौरस्थित वेलायती दूतावासको पर्खाल भत्किँदा ३ जनाको मृत्यु भएको छ। मृत्यु हुनेमा गोर्खा का ३६ वर्षीय साजन श्रेष्ठ, उनकी ८ वर्षीया छोरी अनिषा तथा सिन्धुलीका वीरबहादुर माली छन्। दूतावासको पर्खला भत्कँदा पुरिएर एउटा कार र एउटा मोटरसाइकललाई पनि क्षति पुगेको थियो।यसैगरि सुनसरीको धरानमा घर भत्किएर बिमल परियार र सन्तोष परियारको ज्यान गएको छ ।
भुकम्पपछि महानगरिया प्रहरीका प्रबक्ता एसएसपी माधव नेपालले दिएको जानकारी अनुसार राजधानीमा २४ जना घाइते भएका छन्। केन्द्रीय कारागार सुन्धारामामा कैदीहरु भागभाग हुँदा दुई जना घाइते भएका छन् ।
मुलुकभर आइतबार साँझ झण्डै डेढ मिनेट भुकम्पको धक्का अनुभव गरिएको थियो। छ दशमलव ८ रेक्टर स्केलको शक्तिशाली भुकम्प भूकम्पको केन्द्रविन्दु भारतको सिक्किमको सिमा जोडिएको ताप्लेजुङको पूर्वी सिमा रहेको अमेरिकन भूगर्व केन्द्रले जनाएको छ। आइतबार साँझ ६ बजेर ५ मिनेट जाँदा गएको ६.८ रेक्टस्केलको भुकम्पलाई १९९० साल यताकै सबैभन्दा ठुलो हो मानिएको छ |केन्द्रको रेकर्ड अनुसार सुरु धक्का लगत्तै तीनपटक सम्म एकै ठाउँमा धक्का दिएको थियो। पहिलो पटक भुकम्प गएको ३१ मिनेटपछि पछि ४ दशमलव ८ रेक्टर स्केलको भुकम्प गएको थियो भने तेस्रो पटक पनि त्यही ठाउँलाई केन्द्रविन्दु बनाएर १ घण्टा १४ मिनेटपछि ४ दशमलव ६ रेक्टरस्केलको भुकम्प गएको थियो।
स्रोत :नागरिक न्युज
Posted by Butwalonline
on 7:25 PM. Filed under
News,
Photo Gallery
.
You can follow any responses to this entry through the RSS 2.0.
Feel free to leave a response
