जिप र भ्यान ठोक्किदा एक दर्जन घाईते, पाँचको अवस्था गम्भीर
परासी, अषाढ २८ -
नवलपरासीको सदरमुकाम परासीमा मंगलबार बिहान जिप र पिक अप भ्यान एक आपसमा
ठोक्किंदा एक बालक सहित १२ जना यात्रु घाईते भएका छन् । सुनवलबाट महेशपुर
जादै गरेको लु १ ज ३५३ नम्बरको जिप विपरीत दिशाबाट आउँदै गरेको बा ८ ज ६३७८
नम्बरको भ्यानले परासीको बाईपास चोकमा ठक्कर दिंदा जिप पल्टिएर जिपमा सवार
यात्रुहरु घाईते भएका हुन् ।
घाईते मध्ये पाँचको अवस्था गम्भीर रहेको र उनीहरुको उपचारका लागि भैरहवा
मेडिकल कलेज पठाइएकेा प्रहरीले जनाएको छ । प्रहरीका अनुसार बाकीको अवस्था
समान्य रहेकोले उनिहरुको उपचार जिल्ला पृथ्वी चन्द अस्पतालमा भईरहेको छ ।
गम्भिर हुनेमा ठेगाना नखुलेका राजेश चौधरी,नाम र ठेगाना दुबै नखुलेका ६०
बर्षीय एक बृद्धा,रामग्राम नगरपालिका ७ का पन्नालाल गौड,भारत घर भएका
सत्यनारायण र बन्जरिया घर भएका प्रताप चमार रहेका छन् । भ्यान र चालक
प्रहरी नियन्त्रणमा रहेको प्रहरीले जनाएको छ ।
Source:Kantipurnews
Posted by Butwalonline
on 9:20 AM. Filed under
