आज बुटवलमा कांग्रेसको आमसभा
२३ वैशाख, बुटवल । शान्ति, संविधान र पार्टी एकताको सन्देश जनस्तरसम्म पुर्याउन राष्ट्रिय जागरण अभियान थालेको नेपाली कांग्रेसले अभियान अन्तर्गत आज बुटवलमा आमसभा गर्दैछ ।
मध्यान्ह १२ बजेपछि सुरु हुने सभालाई सभापति सुशील कोइराला, वरिष्ठ नेता शेरबहादुर देउवा, उप-सभापति रामचन्द्र पौडेल, महामन्त्रीद्वय प्रकाशमान सिंह र कृष्णप्रसाद सिटौला लगायतका नेताले सम्वोधन गर्ने कार्यक्रम छ ।
जागरण शान्ति अभियान नाम दिएर कांग्रेसले गत बैशाख ११ गते पोखराबाट सुरु गरेको आमसभा झापा र सर्लाहीमा यसअघि सकिइसकेका छन् । दाङ, कञ्चनपुर हुँदै आगामी जेठ ६ गते काठमाडौंमा केन्द्रीय आमसभा गरी अभियान अन्त्य गरिने सो पार्टीले जनाएको छ ।
Source:Onlinekhabar
Posted by Butwalonline
on 9:07 AM. Filed under
