२५ सय ५५औँ बुद्धजयन्ती आज
३ जेठ, काठमाडौँ । महामानव गौतम बुद्धको २५ सय ५५औं जन्मजयन्ती आज नेपाल लगायत विश्वभर विभिन्न कार्यक्रम गरी मनाइदै छ । शान्तिदुतका नामलेसमेत चिनिनु हुने बुद्धको जन्म दिनको सम्झनामा नेपालमा २००७ सालपछि लगातार दिवास मनाउँदै आइएको छ ।
लुम्बिनीका राजा सुद्धोधन मायादेवीका छोरा तथा राजउत्तराधीकारी सिद्धार्थ गौतम राजकाजको मोह छोडी कठिन तपस्या गरेर वुद्धत्व प्राप्त गरेपछि गौतम बुद्ध हुनु भएको किंवदन्ती छ । लामो तपस्यापछि बुद्धले मानिस दुःखी हुनुको मुख्य कारण लोभ, मोह र क्रोध भएको निष्कर्ष निकाल्नु भएको थियो । बुद्धको जन्म र मृत्यु बैशाख शुक्ल पूणिर्मामा भएको थियो भने उहाँले सोहीदिन वुद्धत्व प्राप्त गर्नुभएको थियो ।
बौद्ध धर्मावलम्बीहरुले आजको दिनलाई विशेष रुपमा मनाउने गर्दछन् । काठमाडौको स्वयम्भु, बौद्ध लगायत विभिन्न बौद्ध गुम्बाहरुमा पनि आज विशेष मेला लागेको छ ।
बुद्ध जयन्तीका अवसरमा राजधानीलगायत मुलुकभर आज बिहानै देखि शान्तिपदयात्रासहित विभिन्न कार्यक्रम आयोजना गरिएको छ ।
Onlinekhabar
Posted by Butwalonline
on 10:19 AM. Filed under
