अबुधावीमा बनभोज कार्यक्रम गरिने
लालबहादुर ढेंगा, युएई-दुबई । आगामी २२ मार्च शुक्रबारका दिन अबुधावीको मुश्रीफ कर्नेश पार्कमा नेपाली लोक संगीत तथा विभिन्न नेपाली परिकारका स्वादसंगै वनभोज कार्यक्रम गरिने भएको छ । उक्त वनभोज कार्यक्रम मगर संघ युएईको अबुधावी क्षेत्रीय समितिको आयोजनामा हुन लागेको हो ।
सो निर्णय गत १५ मार्च शुक्रबारका दिन केन्द्रीय संगठन विभाग प्रमुख चन्द्रबिक्रम सारुको प्रमुख आतिथ्यता, मगर संघ युएईका अबुधावी क्षेत्रीय समितिका अध्यक्ष सोमबहादुर थापा र सचिव सुरेन्द्र रोकाको संचालनमा अबुधावीमा बसेको बैठकले गरेको हो । वनभोज कार्यक्रमलाई बृहत् तथा रोचक बनाउनको लागि आयोजकहरु व्यावस्थापनमा लागिपरेका छन् ।
विगतमा जस्तै यसपालिको वनभोज कार्यक्रममा पनि विभिन्न नेपाली परिकारका खानाका साथै सेलरोटी, चिउरा र अचारको मुख्य आकर्षक रहने छ भने नेपाली नाचगानको पनि प्रस्तुतिहरु रहने भएको छ । अबुधावीस्थित समुन्द्रको किनारमा रहेको मनोरम सुन्दर पार्कले प्रकतिको अदभुूत नजारासंगै यस वनभोज कार्यक्रमलाई सुनमा सुगन्ध थपिदिने छ ।
युएईमा रहेका सम्पूर्ण दाजुभाई तथा दिदीबहिनीहरुलाई यस अवसरमा उपस्थित हुनको लागि आयोजक समितिले आग्रह समेत गरेको छ । अधिक जानकारीको लागि सम्पर्क नम्बर सोमबहादुर थापा ०५२ ७६००४५९, चुमानसिंह सारु ०५५ ८०६३३५४, सुरेन्द्र रोका ०५५ ६२८७६४२ र रिजन थापा ०५५ ४५१६६९१ रहेको छ ।
Posted by Butwalonline
on 6:13 AM. Filed under
Prabasi News
.
You can follow any responses to this entry through the RSS 2.0.
Feel free to leave a response
