क्रान्तिकारी पत्रकार महासंघ अर्घाखाँचीको प्रथम जिल्ला भेला सुरु
रुद्रमणि भुसाल,/विजय दमासे,अर्घाखाँची,चैत ३-क्रान्तिकारी पत्रकार महासंघ अर्घाखाँचीको ऐतिहासिक प्रथम जिल्ला भेलासुरु भएको छ । राष्टिूय स्वाधिनताको पहेदारी,निरंकुशता प्रतिको खवरदारी,स्वतन्त्रता,निष्पक्षता र परदर्शीतामा हाम्रो चिनारी भन्ने मुल नारालाई आत्मसाथ गर्दै शनिवार देखि क्रान्तिकारी पत्रकार महासंघ अर्घाखाँचीको ऐतिहासिक प्रथम जिल्ला भेला सन्धिखर्कमा सुरु भएको हो ।
ऐतिहासिक प्रथम जिल्ला भेलाको उद्घाटन क्रान्तिकारी पत्रकार महासंघका केन्द्रिय सदस्य शोभाखर पंथीले मैनबत्ति बालेर गर्नुभएको थियो । महासंघका अध्यक्ष बिजय दमासेको अध्यक्षतामा सम्पन्न उक्त कर्यक्रमको उद्घाटन शत्रमा पत्रकार महासंघ अर्घाखाँचीका उपाध्यक्ष हिम बहादुर जिसि लेकाली,क्रान्तिकारी पत्रकार संधका अध्यक्ष गणेष खनाल,प्रेस युनियनका प्रतिनिधि रुद्रमणि भूसाल,प्रेस चैतारीका प्रतिनिधि सहयोगी विसि,प्रगतिशिल पत्रकार संघका प्रतिनिधि जितेन्द्र खत्री लगायतले शुभकामना मन्तव्य राख्नुभएको थियो । त्यस्तै कार्यक्रममा नेकपा–माओवादीका जिल्ला इन्चार्ज,भेषराज भुसाल,माओवादी मगरात सदस्य गुणनिधि भुसाल,लगायतले शुभकामना मन्तव्य राख्दै भेलाको पूर्ण सफलताको कामना गर्नुभएको थियो ।
बाबुराम थापा मगरको संचालनमा सम्पन्न उक्त उद्घाटन समारोहमा स्वागत मन्तव्य भने गोविन्द भुसालले राखेका थिए । आईतवार सम्म चल्ने महासंघको भेलाले क्रान्तिकारी पत्रकार महासंघ अर्घाखाँचीको नयाँ नेतृत्व चयन गर्ने जनाईएको छ ।
Posted by Butwalonline
on 5:28 PM. Filed under
