भाडावृद्धिको विरोधमा बुटवलमा चक्काजाम
लक्ष्मण पौडेल,बुटवल, फागुन २८ - सार्वजनिक यातायातमा भाडा वृद्धिको विरोधमा आन्दोलन घोषणा गरेका विपक्षी दल सम्बद्ध विद्यार्थी संगठनहरुले आज बुटवलमा पनि एक घण्टा चक्काजाम गरेका छन् ।
बुटवल बहुमुखी क्याम्पस अगाडि संयुक्त विद्यार्थी संघर्ष समिति र मिलनचोकमा अनेरास्ववियु लुम्बिनी बाणिज्य क्याम्पसले बिहान ९ बजेदेखि १० बजेसम्म चक्काजाम गरेका हुन् ।
चक्काजामका कारण एकघण्टा बुटवलको यातायात सेवा अवरुद्ध बनेको थियो । मिलनचोकमा आयोजित चक्काजाम कार्यक्रममा अनेरास्ववियु रुपन्देहीका अध्यक्ष सरोज पोखरेल, लुम्बिनी बाणिज्य क्याम्पसका स्ववियु सभापति सन्दीप बि.क.लगायतले भाडा वृद्धि फिर्ता नलिए आन्दोलनलाई चर्काउने चेतावनी दिएका थिए ।
Posted by Butwalonline
on 6:15 PM. Filed under
