राजधानीमा विपक्षी दलहरुले सरकार विरुद्ध प्रदर्शन गर्ने
काठमाडौं, माघ १६ । एकीकृत माओवादी र वर्तमान सत्ता गठबन्धन वार्ताबाट सहमतिमा नआउने ठहर गर्दै प्रतिपक्षी दलहरुले सशक्त आन्दोलनबाटै सत्ता ढाल्ने निष्कर्ष निकाली आज राजधानीमा प्रदर्शन गर्ने भएका छन् ।
काँग्रेस–एमाले लगायतका ९ वटा विपक्षी दलहरुको हिजो बसेको वैठकले शहीद दिवसको अवसर पारेर आन्दोलनलाई सशक्त पार्ने निर्णय गरेको हो । उनीहरुले माघ १९ गतेदेखि २६ गतेसम्म हरेक दिन देशका प्रमुख शहरहरुमा प्रदर्शन गर्ने भएका छन् । विपक्षी दलहरुले आज काठमाडौंमा आयोजना गरिने विरोध प्रदर्शनलाई सफल पार्न सबै तयारी पूरा भएको पनि जनाएका छन् । अपरान्ह १२ बजे भृकुटीमण्डपबाट विरोध प्रदर्शन शुरु भई शहीदगेटमा सभामा परिणत हुने र शीर्ष नेताहरुले सम्बोधन गर्ने कार्यक्रम रहेको जनाइएको छ । विपक्षी दलहरुले माघ ६ देखि दैलेखबाट सरकार विरुद्ध आन्दोलन शुरु गरेका हुन् ।स्रोत : ईमेज च्यानल
Posted by Butwalonline
on 8:14 AM. Filed under
