हराइरहेका सांगीतिक समूहका सदस्यमध्ये ४ जना मृत फेला
माघ १६ – मेक्सिकोमा गएको बिहीबारदेखि हराइरहेका एक सांगीतिक समूहका सदस्यमध्ये ४ जना मृत फेला परेका छन् ।
उनीहरुको शव उत्तरी राज्य नुइभो लियोनमा एक इनारमा फेला परेको प्रहरी अधिकारीहरुले बताएका छन् । मेक्सिकोको कोम्बो कोलम्बिया नामक सांगीतिक समूहका २० जना सदस्य गएको बिहीबार राती एउटा सांगीतिक प्रस्तुती लगत्तै अपहरणमा परेका थिए ।
अपहरणकारीको नियन्त्रणबाट भाग्न सफल एकजनाले दिएको जानकारीका आधारमा प्रहरीले खोजी गर्दा इनारमा शव फेला परेको अन्तर्राष्ट्रिय सञ्चारमाध्यमले जनाएका छन् ।
इनारबाट अहिलेसम्म १२ जनाको शव फेला परेपनि ती सबै सांगीतिक समूहका सदस्य हुन् कि होइनन् भन्ने पुष्टि भइसकेको छैन । प्रहरी अधिकारीहरुले इनारमा अझै शव रहेको आशंकामा खोजी भइरहेको बताएका छन् ।स्रोत : उज्यालो नेटवर्क
Posted by Butwalonline
on 8:10 AM. Filed under
News,
World News
.
You can follow any responses to this entry through the RSS 2.0.
Feel free to leave a response
