रातको नौ बजे सुमिनाले के गरिन् ? (भिडियो)

छायाँकन पूर्व नै स्क्रिप्ट बिबादमा मुछिंदै सुटिङका बेला समेत चलचित्र विकास बोर्डको झमेलामा परेको फिल्म 9 O'clock कस्तो बनेको होला भन्ने जिज्ञासा सबैमा हुन सक्छ । सोही जिज्ञासालाई सस्पेन्स राख्दै निर्माण युनिटले प्रोमो रिलिज गरेको छ ।

सुटिङ पूर्व फिल्मको स्क्रिप्ट नै भल्गर भएको भन्दै विकास वोर्डको स्क्रिप्ट छानविन समितीले पास नगरेको यो फिल्म अन्तत: रिलिजको तयारीमा छ । तर निर्माण युनिटले भने न स्क्रिप्टमा न सिनमा कुनै भल्गर नरहेको बताउँदै आएकोछ । फिल्ममा सुमिना घिमिरे मुख्य भुमिकामा छिन् । सस्पेन्समै रहेको यो फिल्ममा सुमिनाले रातको नौ बजे के गर्छिन् त ? खुल्दुलीको बिषय बनेको छ ।

आर्यन फिल्म्सको व्यानरा रमेश संवेदनाले निर्माण गरेको यो फिल्ममा ध्रुब दत्त पनि मुख्य भुमिकामा छन् । प्रकाश पुरीको कथामा बाबुराम ढकालले निर्देशन गरेको यो फिल्मलाई रामशरण उप्रेतीले खिचेका हुन् । फिल्मलाई विपिन मल्लले सम्पादन गरेका हुन् भने ब्याकग्राउण्ड म्युजिक मोहित मुनाल र करियोग्राफी कविराज गहतराज र पूर्नम राईको रहेको छ । फिल्मलाई फाल्गुन ११ गते रिलिज गर्ने बताईएको छ ।
सामाग्री साभार फिल्मीखबर डटकम