सनी लियोनको एक ‘रात’को मुल्य १ करोड भारु !

एजेन्सी, पौष १ । केही दिनमै सन् २०१२ विश्वमाझबाट बिदा हुँदैछ र सन् २०१३ भित्रिने तरखर गर्दैछ । केही दिनपछि भित्रिन लागेको अंग्रेजी नयाँवर्षको रौनक र त्यस सम्बन्धी चर्चा भने अहिलेबाटै सुरु हुन थालेको छ ।

अंग्रेजी नयाँवर्षको आगमन कयौं मुुलुकमा व्यापक तामझामका साथ मनाउने गरिन्छ । जहाँ फिल्मका कलाकार, गायक–गायिका लगायतका सेलिब्रेटीहरुको सहभागिता रहने गर्छ । नेपालमा पनि पछिल्लो समय अंग्रेजी नयाँवर्षको आगमनलाई विशेष तरिकाले मनाउन थालिएको छ ।

त्यस्तै भारतमा पनि अंग्रेजी नयाँवर्ष धुमधामका साथ मनाउने गरिन्छ । अंग्रेजी नयाँवर्ष कयौं बलिउड सेलिब्रेटीहरुका लागि धन आर्जन गर्ने अवसर पनि हुन थालेको छ, पछिल्लो समयमा ।

त्यसैगरी यसवर्षपनि अंग्रेजी नयाँवर्षका लागि धमाधम बलिउड सेलिब्रेटीहरु ‘बुक’ हुन थालेको जनाइएको छ । फिल्म जिस्म–२ बाट बलिउडमा उदाएकी नायिका तथा पोर्नस्टार सनी लियोनले ३१ डिसेम्बरको रात दिल्लीमा हुने एक कार्यक्रमको लागि १ करोड भारु माग गरेको जनाएको छ ।

उक्त कार्यक्रममा नृत्य गर्नका लागि सनीले एक करोडको माग गरेकी जनाइएको हो । त्यस्तै नायिका समिरा रेड्डीले उत्तरप्रदेशको लखनउमा हुने एक कार्यक्रमको लागि ५० लाख भारु माग गरेकी बताइएको छ ।

समिराले मात्रै १० मिनेटको लागि उक्त भारी रकमको माग गरेकी हुन् । त्यस्तै मुम्बईमा ३१ डिसेम्बरमै हुने एक कार्यक्रमको लागि अभिनेत्री प्राची देशाईले पनि ५० लाख भारु लिन लागेकी जनाइको छ ।

यसबाहेक पनि भारतको विभिन्न स्थानमा हुने कार्यक्रमहरुका लागि अन्य बलिउड सेलिब्रेटीहरुले पनि मोटो रकम लिन लागेको जनाइएको छ ।
स्रोत : ईमेज  च्यानल