छठको दोस्रो दिन आज बर्तालुहरुले खर्ना पर्व मनाउदैं
काठमाडौं, मंसिर ३ । दशै तिहार पछि तराईमा भव्य रुपले मनाईने छठ पर्व सुरु भएको छ । छठको विधिअनुरुप पहिलो दिन हिजो विहान ब्रतालु महिलाहरुले स्वच्छ जलले स्नान गरी एक छाक शाकाहारी भोजन खाएपछि छठको कठिन उपवास सुरु भएको हो ।
छठको दोस्रो दिन आज बर्तालुहरुले खर्ना पर्व मनाउदैंछन् । छठ अवधिभर चोखो गरी बनाइएको शाकाहारी खाना मात्रै खाने यो पर्वमा आज ब्रतालुहरु दिनभर भोकै बसी राति पूजा गर्ने र राति सख्खर, चामल र दूध हालेको खीर खाने गर्दछन् । भोलि अपरान्ह अस्ताउँदो सूर्यलाई अर्घ दिई पूजा गरिन्छ भने पर्सी उदाउँदो सूर्यको पूजा गरी छठ सम्पन्न गरिन्छ । यो पर्व मनाउनाले चर्म रोग निको हुने, सन्तान प्राप्ति हुने र पतिको दीर्घायू मिल्ने जनविश्वास रही आएको छ । महाभारतका अनुसार द्रौपतिसहित पाण्डवहरुले अज्ञातवासमा रहँदा गुप्तबास सफल होस् भनी सूर्यदेवको आराधना गरेको र सोही समयदेखि छठ मनाउन थालिएको विश्वास गरिन्छ ।
स्रोत :इमेज च्यानल
Posted by Butwalonline
on 6:50 AM. Filed under
