ट्याक्टरबाट खसेर यहाँका एक किशोरको मृत्यु
उदयपुर, मंसिर २- तिहारको सांस्कृतिक कार्यक्रम हेर्न जाने क्रममा ट्याक्टरबाट खसेर यहाँका एक किशोरको शुक्रबार राति मृत्यु भएको छ। त्रियुगा नगरपालिका ६ को मिलनचोकमा आयोजित तिहार सांस्कृतिक कार्यक्रम हेर्न गएका त्रिनपा ५ बहेडवाका १६ वर्षीय दीपेन चौधरीको मृत्यु भएको जिल्ला प्रहरी कार्यालय उदयपुरले जनाएको छ।
अन्य साथीहरुसँगै को १ त ८०१७ नं. को ट्याक्टर चढेर कार्यक्रम हेर्न गइरहेका बेला चौधरी कार्यक्रमस्थल नपुग्दै खसेर घाइते भएका थिए। गम्भीर घाइते उनलाई उपचारार्थ उदयपुर अस्पताल ल्याइएकोमा उपचार हुदाहुदै राति नै मृत्यु भएको प्रहरी निरीक्षक श्रीकृष्ण पौडेलले बताए।
घट्नालगत्तै गाडीचालक फरार रहेकाले उनको खोजी भइरहेको छ भने ट्याक्टर प्रहरी नियन्त्रणमा राखिएको पौडेलले बताएका छन्।
स्रोत :नागरिक
Posted by Butwalonline
on 6:19 AM. Filed under
