पत्रकार गिरीलाई लक्ष्मीस्मृति एवम् नन्द–कलास्मृति पत्रकारिता सम्मान
बिनोद परियार,बुटवल ,कार्तिक २८ - लक्ष्मी साहित्य समाज नवलपरासी कावासोतीले १०४ औं लक्ष्मीप्रसाद देवकोटाको जन्मजयन्तीको अवसरमा पत्रकार विद्रोही गिरीलाई लक्ष्मीस्मृति एवम् नन्द–कलास्मृति पत्रकारिता सम्मान २०६९ वाट सम्मानित गरेको छ । नवलपरासीको पत्रकारिता विकासमा योगदान पुऱ्याएको भन्दै उहाालाई सम्मान गरिएको हो । देवकोटाको जन्मजयन्तीमा हरेक बर्ष साहित्यक रचना संगै सष्ट्राहरुलाई सम्मानित गरिदै आएको समाजका अध्यक्ष सदानन्द अभागीले जानकारी दिनु भयो । यस बर्ष पत्रकारिता तर्फ गिरी सहित श्रीराम सिग्देल, गोपी ज्ञवालीलाई सम्मान गरिएको छ । भने साहित्यकार तर्फ प्रेम विनोद नन्दन, डा. कुश्माखर न्यौपाने, भगवती अर्याल पाण्डे, चेतनारायण भुषाल, प्रभाकर पण्डित, श्यामप्रसाद न्यौपाने र लिला राना सम्मानित हुनु भएको छ ।
साहित्य र पत्रकारिता क्षेत्रमा योगदान दिने नवलपरासी र चितवनका ब्यक्तित्वहरुलाई सम्मान गरिएको थियो । सोही अबसरमा तीन वटा कृतिको बिमोचन समेत गरिएको छ । सदानन्द अभागीको बालुवाको घर कथा सङ्ग्रह, धनपति कोइरालाको मेरो शहर कतिवा संङ्ग्रह र दिनेश बस्यालको गजल प्रबाह २०६९ वरिष्ठ साहित्यकार गोबिन्द राज विनोदीले बिमोचन गर्नुभएको हो ।
Posted by Butwalonline
on 9:02 PM. Filed under
