धादिङमा बस दुर्घटनाहुंदा ९ जना घाइते ३ को अवस्था गम्भिर
धादिङ साउन २९ - पृथ्वी राजमार्ग अन्तर्गत धादिङको पिडामा आज विहान भएको बस दुर्घटनाका घाइतेको उपचार गर्न काठमाण्डौ पुर्याउन नभ्याउँदै गजुरीमा अर्को बसले मोटरसाइकललाई ठक्कर दिएर पल्टिएको छ|
धादिङको गजुरी-२ छहरामा तिव्र गतिमा गुडेको बसले मोटरसाइकललाई ठक्कर दिएर पल्टिँदा ९ जना घाइते भएका छन्। घाइते मध्य ३ जनाको अवस्था गम्भिर छ। काठमाडौंबाट बुटवल जाँदै गरेको लु १ ख ५९८० नम्बरको बसे धादिङबेसीबाट काठमाडौं जाँदै गरेको बा ३२ प ३६१६ नम्बरको मोटरसाइकललाई ठक्कर दिँदा तिव्र गतीमा गुडिरहेको बस सडक किनारामा पल्टिएको हो। घाइतेहरुको प्राथमिक उपचार गजुरी अस्पतालमा भइरहेको छ। गम्भिर घाइते ३ जनालाई थप उपचारका लागि काठमाडौं पठाइएको इलाका प्रहरी कार्यालय गजुरीले जनाएको छ।
(समाचार नागरिक न्यूज बाट )
Posted by Butwalonline
on 5:49 PM. Filed under
