सवारी दुर्घटनामा एकजनाको मृत्यु चार घाइते
पोखरा, भदौ १४ -पोखरा नजिकैको हेम्जा-१ याम्दीमा बिहीबार सवारी दुर्घटनामा एकजनाको मृत्यु भएको छ भने अन्य पाँच घाइते भएका छन्। हेम्जाबाट पोखरातर्फ आउँदै गरेको ढुंगा बोकेको ग.१ ख ३९१ नम्बरको ट्रकले अपरान्ह करिब ४ बजे पहिचान खुल्न नसकेका एक व्यक्तिलाई ठक्कर दिएको हो। उनको घटनास्थलमै मृत्यु भएको र सनाखत हुन नसकेको प्रहरीले जनाएको छ।
प्रहरीले ट्रक चालकलाई नियन्त्रणमा लिएको छ। प्रहरीकाअनुसार ठक्करपछि ट्रक पल्टिंदा धादिङ फुलखर्ककी कमला गुरुङ, पोखरा-१ की जसमाया गुरुङ, तारामाया गुरुङ, गनमाया गुरुङ र दिलमाया तामाङ घाइते भएका छन्। उनीहरुमध्ये तारामायाको टाउकोमा चोट लागेको अवस्था गम्भीर छ।
समाचार नागरिक न्यूज बाट
Posted by Butwalonline
on 5:01 PM. Filed under
