प्रधानमन्त्री भट्टराईले देशवासीका नाममा सम्बोधन गर्दै
.jpg)
सपथ लिएको एक वर्षपछि सिंहदरवारबाट मंगलबार भएको समीक्षासहित देशवासीको नाममा सम्बोधनमा प्रधानमन्त्री ले सत्ताका लागि खेल भइरहेकाबेला गठन भएको सरकारले शान्ति प्रक्रिया पूरा भएको बताए । उनले माओवादीको उपाध्यक्ष मोहन वैद्य समूहलाई ‘संकिर्णतावादी तप्का’को संज्ञा दिएका छन् । ‘शान्ति प्रक्रियाको विरोधमा संकिर्णतावादी तप्का सडकमा उत्रिएको तपाईंहरुलाई थाहै छ,’ उनले भने ।
संविधानसभा को म्याद थपका लागि सरकारले प्रस्तुत गरेको विद्येयकलाई कांग्रेस सभापति सुशील कोइराला ले विरोध गर्नु नै संविधानसभा विघटनको आधार भएको उनले बताए । म्याद थपको विरोध गर्दै कांग्रेस, एमाले सरकारबाट बाहिरिँदा संविधानसभा विघटनमा थप बल मिलेको बताए ।
प्रधानमन्त्री भट्टराईले संविधानसभा बाट संविधान लेख्न नदिन पहिल्यैदेखि खेल भइरहेको बताए । तर कस्तो खेल खुलाएनन् । संविधानसभा विघटनमा एमाओवादीले सकेसम्म पहल गरेको बताउँदै उनले तर कसिएका मुठ्ठीसँग हात मिलाउन नसकिएको उल्लेख गरे ।
प्रधानमन्त्री ले सहमति भए एक सेकेन्डमै सरकार छाड्न तयार रहेको स्पष्ट पारे । प्रतिपक्षी दललाई अनुचित पर्खाल खडा नगर्न उनले प्रतिपक्षी दलसँग आग्रह गरे ।
प्रधानमन्त्री ले अघिल्लो सरकारले ल्याएको नीति तथा कार्यक्रम र बजेटको बिरासतमा सरकार बनेको र यो वर्ष पनि पूर्ण बजेट ल्याउन नसक्न सोचेजति नयाँ कार्यक्रम ल्याउन नसकिएको बताए । बेरोजगार भत्ता दिने सरकारी तयारी पनि बजेट ल्याउन नसक्दा पूरा गर्न नसकिएको प्रधानमन्त्री को भनाइ छ ।
प्रधानमन्त्री ले यस वर्ष पनि चाडवाडमा राहतमुलक कार्यक्रम ल्याउने तयारी भइरहेको बताए ।
सरकारले गरेका काममा अवरोध गर्न अदालत धाउने प्रवृत्ति बढेको भन्दै प्रधानमन्त्री ले असन्तुष्टि पोखे ।
सरकारसँग भएको दृढ लक्ष्यका कारण काठमाडौंको सडक विस्तार सम्भव भएको उनले बताए । प्रधानमन्त्री ले काठमाडौंका अधिकांश सडकलाई कालोपत्र बनाउने लक्ष्य सरकारसँग रहेको बताए ।
प्रधानमन्त्री ले आफ्नै अनुगमनमा राष्ट्रिय गौरवका आयोजना सुरु गरेको उल्लेख गरे भने मनाङमा सडक पुगेको सम्बोधनमा खुलाए । आफ्नो कार्यकालमा आर्थिक वृद्धि उच्च रहेको बताए भने नेप्से, घरजग्गा कारोबार पनि बढेको बताए । लोडसेडिङ १६ बाट १२ घण्टामा झारेको र आगामी वर्ष पनि १०–१२ घण्टामा सीमित पार्ने प्रधानमन्त्री ले उल्लेख गरे ।
साभार कांतिपुर
Posted by Butwalonline
on 2:00 PM. Filed under
