बिज्ञापनको बिश्वास गर्दा एक युवती लुटीइन

घटना बिवरणअनुसार बिज्ञापन देखेपछि रोजगारकालागि भौतारिएकी छोरेपाटनकी १८ वर्षीया युवती (गंगा, नाम परिवर्तनले) बिहानै सम्पर्क गरिन् । बिज्ञापनमा उल्लेखित मोबाईलमा भएको कुराकानीका क्रममा पृथ्वीचोकको एक कलरल्याबनेर ९ बजेतिर भेट्ने सहमति भयो । भेट भएपछि बिज्ञापन प्रकाशित गरेका युवकले उनलाई अन्तरबार्ता लिने भन्दै चोककै एक होटलमा पुर्‍याए । जहाँ आफु ३ दिनदेखि बसिरहेका थिए । बुकिङ गरेको कोठामा लगे र १०/१२ मिनेट अन्तरबार्ता लिएजस्तो गरे । जागिर दिने सहमति पनि भयो । त्यसपछि युवतीमाथि दुब्र्यवहार भयो । लगत्तै युवकले उनलाई धम्क्याए र साथमा रहेको सुनका गहना, मोबाईल र केही नगद लुटे । युवतीलाई बाथरुममा थुनेर भागेको केही समयपछि होटलको फोनमा सम्पर्क गरेर थुनेको जानकारी दियो ।ठगिको यो नौलो तरिका पहिलोपटक देखिएको प्रहरीले जनाएको छ । प्रहरीले युवतीको शुक्रबारै मेडिकल जाँच गराएर आफन्तको जिम्मा लगाएको छ ।प्रहरीले अनुसन्धान प्रभावित हुने भन्दै घटनाको बिस्तृत विवरण दिएको छैन ।